نباتات الظل للبيوت

النهاردة البوست بيجاوب على أكبر مشكلة موجودة فى العديد من البيوت المصرية و اللى بسببها كتير مننا بيخاف يجيب زرع فى بيته .

المشكلة تتلخص فى خمس كلمات ( البيت مش بتخشه الشمس خالص) فتلاقى صاحب البيت يقول لك انا عشان كدة مش بجيب زرع البيت .

هو اصلا مفيش مشكلة , فى أنواع كتيرة من الزرع الداخلى اللى ممكن تعيش وتنمو بدون الاضاءة الغير مباشرة للشمس و دا هو موضوعنا النهاردة

أول هذه النباتات هو نبات البامبو و داهو أحد أنواع نبات الدراسينا و النبات ده لا يحتاج ضوء الشمس المباشر ولا يحتاج الى تسميد ويمكنه العيش في الماء فقط ، يغير الماء كل 3 ـ7 أيام ويغسل الوعاء أو الفازة ، وتغسل قواعد النبات برفق بماء في درجة حرارة الغرفة ويفضل وضع النبات في وعاء خزفي مصقول لأن الضوء يستحث الكائنات الدقيقة على النمو في الاواني الزجاجية مما يؤثر على نمو جذور البامبو.

ثانى هذه النباتات هو نبات الفلانجم ودا نبات صغير الحجم، أوراقه خضراء شريطية، ومن أنواعه الجميلة النبات ذو الأوراق المخططة بالأخضر الفاتح والأبيض. يتكاثر في شهر فبراير، ويزهر في مايو، ويصلح لتزيين الغرف والشرفات

ثالث هذه النباتات هونبات البوتس و دا احنا اكلمنا عنه قبل كدة فى بوست منفصل و لكن كل اللى اقدر اقوله عليه انه احسن نبات للمبتدئيين فى موضوع الزراعة لو حبين يتعلموا فى نبات سهل الاعتناء به و حمال الاسية و قليل الاصابة بالامراض.

رابع هذه النباتات هو صبار جلد النمر و دا نبات بينتمى لفصيلة الصبارات ذو اوراق شريطية قائمة يمتزج فيها اللونين الاخضر الفاتح و الداكن مع بعضهما البعض .

خامس هذه النباتات هو نبات الدراسينا و دانبات داخلى شجيرى اوراقه تشبه نبات الذرة بيصل طوله فى بعض الاحيان الى ال2 متر