الزراعة ببساطة

موضوع النهاردة و بناء على رغبة الكثير من الأعضاء هو الأسمدة و أنواعها و أستخداماتها الأسمدة بتنقسم الى عدة انواع و هى أسمدة عضوية و أسمدة مركبة و أسمدة مخلوطة و أسمدة بسيطة الأسمدة العضوية و اللى هى ناتج تحلل روث الحيوانات أو مخلَّفات الصَّرْف الصحي و دى منها السماد العضوى العادى اللى موجود فى اغلب قرى مصر و فى الكمبوست اللى هو سماد عضوى بس معقم بحيث لا يوجد به اى افات او بذور حشائش او اى مسببات امراض . تانى حاجة هى الاسمدة المركبة و هى الاسمدة اللى بتحتوى على الثلاث عناصر الرئيسية اللى بيحتاجها النبات و اللى هما بالترتيب النيتروجين و الفوسفور و البوتاسيوم بتركيزات مختلفة . يعنى لو اشتريت سماد تركيزه 19-19-19 يبقى تركيز كل عنصر 19 وحدة . ملحوظه هامه: ترتيب عناصر السماد في رتبه السماد ثابت لا يتغير بمعني اول رقم دائما يكون نسبه النتروجين ثاني رقم يكون نسبه الفوسفور ثالث رقم يكون نسبه البوتاسيوم كمان فى بعض العناصر اللى بيحتاجها النبات و دى بتتضاف لوحدها زى الحديد و الكالسيوم و الزنك الماغنسيوم . بالاضافة الى ان فى عناصر بيحتاجها النبات بنسب صغيرة و دى اللى بيطلق عليها العناصر الصغرى...

موضوع النهاردة هو نباتات المطبخ , موضوع صعب و ربنا يقدرنى و اعرف اعمل حاجة . نباتات المطبخ هى أى نبات بيستخدم فى الأكل وسهل زراعته فى الأصص أو الأحواض البلاستيكية . النباتات دى كتيرة منها النعناع و البردقوش و الروزمارى و الزعتر و الجرجير و البقدونس و الشبت و المريميه و الثوم و الخس و اللفت .........الخ. أول حاجة لما نيجى نزرع النباتات دى انا بفضل ان احنا نزرعها فى الاحواض البلاستيكية عشان نوفر اكبر مساحة ممكنة للنبات بالاضافة الى ان النبات دا هيبقى معمر معانا لفترة . ثانيا الأحواض لازم يكون معمول لها صرف كويس بإن يتم وضع طبقة زلط فى قاع الحوض بارتفاع 3 سم قبل ان يتم تعبئته بتربة الزراعة عشان اى تراكم للمياه داخل الحوض هيعمل اعفان فى الجذور و النبات هيموت. ثالثا لما نيجى نقطف من الحوض اى من النباتات السابق ذكرها يتم القطف باستخدام مقص و ان يتم القص من فوق سطح التربة ب 2-3 سم عشان نسيب مجال للنموات الجديدة , القص فوق سطح التربة مباشرة مش بيسيب اى مجال للبراعم الجديدة انها تنمو . رابعا الرى و دا اهم حاجة بص يا سيدى كل اللى عليك انك كل يوم بتغرز عقلة صباعك فى الأصيص لو طلعت...

موضوع النهاردة هو عن نبات الجهنمية  الجهنمية تعتبر شجيرة دائمة الخضرة تزهر باستمرار طوال العام و تعتبر عن أشهر النباتات على مستوى العالم . الألوان الأكثر شيوعاً في الجهنمية هي الأصفر، البنفسجي، الوردي والأحمر بالاضافة الى العديد من الالوان. يعاب على الجهنمية ان يوجد منها بعض الانواع ذات ساق به اشواك و ان لم تكن بكثرة . الجهنمية نبات يتحمل العطش و يتحمل ملوحة التربة. من الأخطاء الشائعة للجهنمية ان كثرة الرى تؤدى الى تزهيرها , و العكس صحيح حيث ان كلما قلت كمية المياه للرى و ان يتم الرى بانتظام كلما زاد معدل التزهير بالأضافة الى أن زهرة الجهنمية هى تحور او تحول اوراق الجهنمية الى زهورلذلك يتم ري الجهنمية بشكل منتظم ( مرتين في الأسبوع ) بماء غزير في فصل الصيف و بكميات معتدلة في فصل الشتاء نسمد ازاى ؟ دا سؤال مهم لأن دا نبات مزهر يعنى عايز اغذى الأوراق و عايز أغذى الزهور .لذلك ينصح ان نسمد طول فترة الشتاء بالسماد المتوازن ( NPK تركيز 19-19-19 ) مرة كل شهر بتركيز 1جم /1 لتر مياه مرو و المرة الاخرى باستخدام (NPK تركيز45-0-13) و دا لمساعدة النبات على التزهير  1جم سماد دول يعنى ملعقة...

الكلام النهاردة عن نبات شمس مشهور جدا اسمه مسك الليل و له اسماء كتيرة عامية زى ملكة الليل ونجمة الليل وكولونيا  مسك الليل شجيرة مستديمة الخضرة , سريعة النمو , كثيرة التفريع و لا يتعدى طولها بأى حال من الأحوال ال3 متر , أكثر ما يميزها هى رائحة أزهارها المميزة و التى تتفتح مساء فقط مطلقة رائحة جميلة . أهم حاجة بتميز الشجيرة دى و دا عن تجربة شخصية ان ممكن تستخدم كنبات اسوار للحدائق و دا لكثرة التفريع الجانبى و كثافة المجموع الخضرى الخاص بها. امتى أروى مسك الليل ؟ مسك الليل نبات معتدل الاستهلاك فى كميات المياه , و لكن يفضل ان تكون التربة دائما رطبة و لكن ليس لدرجة الاسراف فى الرى و دا لأن التربة الجافة تؤدى لاصفرار الاوراق و تساقطها ( النبات حساس سنة للجفاف ). نسمد ازاى ؟ دا سؤال مهم لأن دا نبات مزهر لذلك ينصح بالاهتمام بالتسميد بالاسمدة الغنية بعنصر البوتاسيوم و ده للحفاظ على مستوى و جودة الازهار بالاضافة الى عنصرى الفوسفور و النيتروجين و اللى بيحتاجهم النبات بكميات متوازنة لذلك يفضل ان يكون التسميد كل 10-15 يوم مرة بسماد NPK متوازن بنسبة 19-19-19 و مرة بسماد عالى البوتاسيوم مثل 4...

موضوع النهاردة هو نبات البوتس  نبات البوتس هو احد اشهر نباتات الظل الموجودة فى مصر و دا لسهولة الاعتناء به و سهولة تكاثره و لقلة اصابته بالحشرات يعنى بالبلدى كدة حمال الأسية . عشان كدة أى حد مبتدئ فى موضوع الزراعة و عايز يبقى عنده زرع انصحه بانه يشترى النوع ده يتعلم فيه  نبات البوتس تزرعه فى مياه شغال , تزرعة فى بيتموس شغال , تزرعه فى طين و رمل برضه شغال. بيتربى فى 3 اشكال اما انه يبقى مكدش او متهدل او متسلق ( مرفق الصور للتوضيح) الأول خلينا نفهم يعنى ايه نبات ظل . نبات الظل هو النبات اللى بيحتاج ضوء الشمس بطريقة غير مباشرة يعنى يتحط جنب شباك او جنب بلكونة , حتى لو اتحط فى حتة مش فيها ضوء الشمس لازم مرة اسبوعيا يشوف ضوء الشمس. أمتى أروى الزرع ؟ أول سؤال أى حد بيشترى زرع بيسأله لصاحب المشتل , بص يا سيدى كل اللى عليك انك كل يوم بتغرز عقلة صباعك فى الأصيص لو طلعت مرطبة يبقى النبات مش محتاج رى و لو طلعت ناشفة يبقى النبات محتاج رى و دى قاعدةعلى كل نباتات الأصص . التسميد لنبات البوتس  التسميد بيبقى مرة كل 15 يوم عبارة عن 1 جرام سماد على 1 لتر مياه و نسقى بيهم الزرع و السماد د...

صباح الخير عليكم جميعا . النهاردة هكلم على موضوع مهم وصعب و يارب اعرف اسهل وصول المعلومة للكل . النهاردة هنتكلم عن موضوع أسمدة ال NPK , خلينا الاول نفهم يعنى ايه NPK . الNPK هى اختصار الثلاث حروف الاولى للثلاث عناصر الاساسية لنمو اى نبات و هما بالترتيب النيتروجين و(N) و الفوسفور (P) و البوتسيوم (K). ودا ترتيب متفق عليه عالميا. النيتروجين و دا يضاف في بداية حياة النبات يساعد على نمو وبناء خلا‌يا النبات حيث يساعدعلى نمو النبات في المرحلة الا‌ولى من عمره بطريقة سريعة عن بقية المراحل الا‌خرى كذلك يساعد البادرات الصغيرة على سرعة النمو واختراق سطح التربة حتى لا‌يتاخر الا‌نبات .  باختصار كدة النيتروجين هو المسئول عن النمو الخضرى لأى نبات سواء ظل أو شمس . الفوسفور هو المسئول فى النبات على تشجيع نمو وانتشار المجموع الجذرى الذى يساعد النبات على الا‌متصاص الجيد من التربة للماء والعناصر الغذائية وكذلك تثبيت النبات وده لأن كلما زاد المجموع الجذرى بيزيد معاه حجم المجموع الخضرى للنبات  يعنى باختصار كدة الفسفور هو المسئول عن نمو المجموع الجذرى. البوتاسيوم ودا بيضاف فى مرحلة التزهير وعقد وتك...

موضوع النهاردة بناء على طلب الأعضاء هو نبات الفل  الفل يعتبر نبات شمس يعنى يجب زراعته تحا اشعة الشمس مباشرة و هو بيعتبر شجيرة مستديمة الاوراق يعنى مش بيسقط اوراقه نهائيا , التزهير بتاعه بيبتدى من اول الربيع حتى الخريف و من الخريف مرورا بالشتاء التزهير بيكون ضعيف جدا او منعدم ويصل اقصى طول له الى مترين تقريبا . يمتاز نبات الفل انه من النباتات التي تتحمل الظروف البيئية القاسية حيث يتحمل درجات الحرارة المرتفعة و الرياح و الجفاف و لكنه لا يتحمل ملوحة التربة و لا الرطوبة بها و تجود زراعته بشكل كبير في التربة الطميية الجيدة الصرف. امتى أروى الفل ؟ يحتاج نبات الفل عند زراعته الى تربة رطبة بشكل مستمر و لا يحتاج الى تربة مغمورة بالمياه فالري الزائد يؤذي النبات فنبات الفل يتحمل الجفاف و لا يتحمل الرطوبة الزائدة نسمد ازاى ؟ دا سؤال مهم لأن دا نبات مزهر دا لأن التزهير له فترة معينة من السنة لذلك ينصح بالاهتمام بالتسميد بالاسمدة الغنية بعنصر البوتاسيوم و ده للحفاظ على مستوى و جودة الازهار خلال موسم الربيع و الخريف بالاضافة الى عنصرى الفوسفور و النيتروجين و اللى بيحتاجهم النبات بكميات متوازنة ...

موضوع النهاردة هو نبات البلمباجو يصنف نبات البلمباجو على انه شجيرة متسلقة مزهرة يعنى نبات مزهر و متسلق و يصل طوله من 90 سم الى 3 متر عند اكبر حجم له . يتميز بزهرته التى على شكل نورة بلون ازرق وابيض واحمر, البلمباجو نبات شمس يتم زراعته فى الاماكن المشمسة و لا ينجح فى الظل او الاماكن المظلله . امتى أروى البلمباجو؟ البلمباجو نبات حساس للرطوبة الزائدة يعنى اى زيادة فى نسبة الرى تضر بالنبات , النبات كمان بيصنف على انه متوسط التحمل للجفاف , دا بالاضافة الى انه محب للزراعة فى التربة الخفيفة التى يغلب عليها نسبة الرمل بنسبة اكبر من الطمى او البيتموس . نسمد ازاى ؟ دا سؤال مهم لأن دا نبات مزهر من الدرجة الأولى و دا لأن التزهير طول السنة و ينصح بالاهتمام بالتسميد بالاسمدة الغنية بعنصر البوتاسيوم و ده للحفاظ على مستوى و جودة الازهار بالاضافة الى عنصرى الفوسفور و النيتروجين و اللى بيحتاجهم النبات بكميات متوازنة لذلك يفضل ان يكون التسميد كل 10-15 يوم مرة بسماد NPK متوازن بنسبة -19-19-19 و مرة بسماد عالى البوتاسيوم مثل 40-5-5 و دا للحفاظ على النبات التقليم ازاى ؟ عشان ده نبات متسلق فا لو حض...