الزراعة ببساطة

مسمياته : نبات الموريا – ياسمين الموريا – البرتقال الكذاب وقت الازهار : طول العام نبات عطري له رائحة فواحة خليط بين رائحة عبق الليمون + الياسمين + ملكة الليل يزرع من البذور التى يتم استخلاصها منه عن طريق ترك الزهور علية حتى تسقط ويتكون اسفل من الزهور البذور والتى يتم تركها حتى تنضج و يتحول لونها من اللون الاخضر الى اللون الاصفر او البنى الفاتح او يتم زراعتها من العقل تحتاج للشمس و التسميد العضوى و الكيماوى والرش بالحديد الموريا زهوره فواحة وريحتها تجنن بنخليه في الشمس وبيحب المياه وومكن نقلل الري لما الجو يبرد . بنسمده كل 15 يوم npk وممكن كمان نسمده مرة كل شهر حديد مخلبي علشان لون الأوراق يفضل أخضر وجميل. بيكون بذور زي الليمونة الصغيرة بنزرعها لما لونها يحمر. الناس ال بتحب الفل والياسمين ازرعوا موريا كمان هاتتبسطوا

موضوع النهاردة هو تربة الزراعة كل منا عندما يفكرفى اضافة بعض انواع النباتات الى منزله يجد ان اول مشكلة يواجها هى التربة اللى هيزرع فيها من اين و ما هى مكوناتها . تربة الزراعة الصالحة للزراعة هى اللى تكون عبارة عن خليط . و احسن انواع الخلط للتربة هو ان يكون الثلث رمل و الثلث طمى و الثلث بيتموس ( او ما يعرف بالطمى الصناعى) هذا بالاضافة الى اضافة نسبة قليلة من السماد العضوى الصناعى ( الكمبوست)  , أو أن تكون رمل و طمى بنسبة 50%:50% , المهم الا تكون من نوع واحد فى الاصيص و هذا للاستفادة من خصائص كل نوع من انواع التربة . أنواع التربة الصالحة للزراعة تقسم لـ ثلاثة انواع اساسية : 1. التربة الطينية 2. التربة السلتية 3. التربة الرملية التربة الطينية: هي التربة التي يفضلها اغلب الناس في الزراعة , ولكن ما لا يعلمه الكثيرين أن التربة الطينة إن كانت نسبتها كثيرة في مصر فهي ضارة. لماذا ؟ لأن التربة الطينية تتكون من جزيئات صغيرة جدا تكون متماسكة مع بعضها البعض وتحتجز المياه في داخلها , تسمى ايضا التربة الثقيلة لثقلها على النباتات لأنها وبسبب تماسكها قد تمنع الجذور من امتصاص المياه التي...

موضوع النهاردة و بناء على رغبة الكثير من الأعضاء هو الأسمدة و أنواعها و أستخداماتها الأسمدة بتنقسم الى عدة انواع و هى أسمدة عضوية و أسمدة مركبة و أسمدة مخلوطة و أسمدة بسيطة الأسمدة العضوية و اللى هى ناتج تحلل روث الحيوانات أو مخلَّفات الصَّرْف الصحي و دى منها السماد العضوى العادى اللى موجود فى اغلب قرى مصر و فى الكمبوست اللى هو سماد عضوى بس معقم بحيث لا يوجد به اى افات او بذور حشائش او اى مسببات امراض . تانى حاجة هى الاسمدة المركبة و هى الاسمدة اللى بتحتوى على الثلاث عناصر الرئيسية اللى بيحتاجها النبات و اللى هما بالترتيب النيتروجين و الفوسفور و البوتاسيوم بتركيزات مختلفة . يعنى لو اشتريت سماد تركيزه 19-19-19 يبقى تركيز كل عنصر 19 وحدة . ملحوظه هامه: ترتيب عناصر السماد في رتبه السماد ثابت لا يتغير بمعني اول رقم دائما يكون نسبه النتروجين ثاني رقم يكون نسبه الفوسفور ثالث رقم يكون نسبه البوتاسيوم كمان فى بعض العناصر اللى بيحتاجها النبات و دى بتتضاف لوحدها زى الحديد و الكالسيوم و الزنك الماغنسيوم . بالاضافة الى ان فى عناصر بيحتاجها النبات بنسب صغيرة و دى اللى بيطلق عليها العناصر الصغرى...

موضوع النهاردة هو نباتات المطبخ , موضوع صعب و ربنا يقدرنى و اعرف اعمل حاجة . نباتات المطبخ هى أى نبات بيستخدم فى الأكل وسهل زراعته فى الأصص أو الأحواض البلاستيكية . النباتات دى كتيرة منها النعناع و البردقوش و الروزمارى و الزعتر و الجرجير و البقدونس و الشبت و المريميه و الثوم و الخس و اللفت .........الخ. أول حاجة لما نيجى نزرع النباتات دى انا بفضل ان احنا نزرعها فى الاحواض البلاستيكية عشان نوفر اكبر مساحة ممكنة للنبات بالاضافة الى ان النبات دا هيبقى معمر معانا لفترة . ثانيا الأحواض لازم يكون معمول لها صرف كويس بإن يتم وضع طبقة زلط فى قاع الحوض بارتفاع 3 سم قبل ان يتم تعبئته بتربة الزراعة عشان اى تراكم للمياه داخل الحوض هيعمل اعفان فى الجذور و النبات هيموت. ثالثا لما نيجى نقطف من الحوض اى من النباتات السابق ذكرها يتم القطف باستخدام مقص و ان يتم القص من فوق سطح التربة ب 2-3 سم عشان نسيب مجال للنموات الجديدة , القص فوق سطح التربة مباشرة مش بيسيب اى مجال للبراعم الجديدة انها تنمو . رابعا الرى و دا اهم حاجة بص يا سيدى كل اللى عليك انك كل يوم بتغرز عقلة صباعك فى الأصيص لو طلعت...